Ինչ կոշիկ է ձեզ հարկավոր

Միշտ լավ հոգեվիճակ, զվարթ  տրամադրություն ու  գեղեցիկ տեսք ունենալուն ձեզ կօգնի ճիշտ ընտրված կոշիկը, որն այնքան է ներդաշնակվում, որ ասես ոտքի շարունակությունը լինի:

Նման կոշիկներ միշտ չի պատահում, իսկ պատահելիս էլ կրում ենք մինչև մաշվելը:

Որ կոշիկներն են ճիշտ

Եթե բարձրակրունկների սիրահար եք, ապա հիշեք, որ այն չի կարելի հաճախ կրել: Այդ կոշիկներում մարմնի ծանրության կենտրոնը ճիշտ չի բաշխվում, ներբանը դադարում է զսպանակել, յուրաքանչյուր քայլը հաղորդվում է ողնաշարին ու ի վերջո հանգեցնում ողնաշարային, հոդային ու անոթային հիվանդությունների:

Չգիտես ինչու է պլատֆորմը համարվում բարձրակրունկի լավագույն այլընտրանքային տարբերակ: Սակայն, սրանք երկարատև կրելը ևս  վտանգավոր է: Պլատֆորմով կոշիկում ներբանների մկանները չեն ասշխատում, ինչը կրկին ազդում է ողնաշարի, կեցվածքի ու քայլվածքի վրա: Բացի այդ, պլատֆորմը նպաստում է հարթաթաթության զարգացմանը:

Սրածայր քթով կոշիկներին նախապատվություն տվողները պետք է հիշեն, որ այդ կոշիկներում ոտնաթաթի մատները խիստ տձևանում ու ձևախախտվում են:

Պարային մաշիկներ (բալետկաներ), նման են հողաթափի ու նախպատեսված են հարթ մակերեսին ոչ երկար զբոսանքի  համար: Եթե դրանք ճիշտ ընտրված  չափսի են, ապա ոտքի վրա դրանց գոյությունը գրեթե չի զգացվում:

Սպորտային կոշիկներ, սրանք հենց դրա համար էլ սպորտային են համարվում, քանի որ հարմար են մարզումների ժամանակ հագնելու համար: Սակայն նյութը, որից պատրաստված է, քրտնացնում է ոտքերը, իսկ մաշկի խոնավությունն ու  կոշկատակի  չափազանց առաձգականությունը թուլացնում են ջլերը:

Այսպես, ստացվում է, որ գերազանց են փոքր, ցածր կրունկով, փափուկ կաշվից կամ փոխարինիչից կարված կոշիկները: Այն կրկնում է ոտնաթաթի անատոմիական կառուցվածքը, ունի փափուկ ու հարմարավետ, շարժուն կաղապար:

Կոշիկ գնելիս ուշադրություն դարձրեք, որ կոշիկը կիպ գրկի ոտքը, իսկ այն սեղմելիս` նախկին դիրքն ընդունի, ուշադրություն դարձրեք, որ ոտքի մատները շարժվեն կոշիկի մեջ: Իսկ այն կոշիկը, որը թվում է` թեթևակի է սեղմում, գնելուց հետո կարող է իսկական տառապանքի աղբյուր դառնալ:

Հիմնականում կոշիկ գնելիս հիշեք, որ երեկոյան կողմ ոտքերը միշտ այտուցվում են, թեկուզ` թեթևակի:

Հարցեր, պատասխաններ, մեկնաբանություններ